Rusiya maliyyə nazirinin müavini Aleksey Moiseyev bəyan etdi ki, maliyyə nazirliyi rəsmi birjalarda kriptovalyutaların ticarətinin leqallaşmasını dəstəkləyir. Müvafiq norma “Rəqəmsal maliyyə aktivləri haqqında” qanun layihəsində müəyyən ediləcək.

  Aleksey Moiseyev: “Hazırda İctimai Şurada müzakirələr davam edir. Biz kriptovalyutaların alqı-satqısını tam məhdudlaşdırmaq da istəmirik lakin müəyyən standartlar olmalıdır. Ümumi ideya odur ki, alqı-satqı prosesi rəsmi olaraq qeydiyyatdan keçmiş birjalarda həyata keçirilsin: hansı ki, bu zaman bütün əməliyyatlar deklarasiya olunmaqla leqallaşdırılmış olacaq. Lakin belə platformalar hələ ki, müəyyən edilməyib və hazırda ən aktiv müzakirələr bu mövzudadır”