Avstraliya Dövlət Poçtu öz müştərilərinin artıq poçt vasitəsi ilə bitcoin ala biləcəklərini elan etdi. Bunun üçün Avstraliya poçt xidməti ilk dəfə olaraq yerli kriptovalyuta birjaları ilə partnyorluq müqavilsəi bağlayıb. Partnyorluq çərçivəsində onlar şəxsiyyətin identifikasiyası – Digital İD üçün poçt xidmətindən istifadə edəcəklər. Digital ID vasitəsilə avtorizasiya KYC (öz müştərini tanı) prosedurunu asanlaşdıracaq.
Brisbane şəhərində yerləşən Digital Surge kriptovalyuta birjası, milli poçt xidmətinin identifikasiyasını təqdim edən ilk birja oldu. Birjanın baş direktoru Josh Lehman-ın açıqlamasına əsasən, Digital ID-nin istifadəsi ölkə vətəndaşları üçün qeydiyyat müddətini “digər birjalarda olduğu kimi bir neçə gün” əvəzinə bir neçə dəqiqəyə endirəcək. Digital ID identifikasiyası Coinjar və Coin Loft kimi avstraliyalı şirkətlər üçün də mümkündür.
Digital ID-də qeydiyyat çox sadə prosedurdur. Bunun üçün istifadəçi şəxsi məlumatlarını və pasportu ( və ya sürücülük vəsiqəsi) haqqında informasiyanı yükləməlidir.
Elnur Quliyev
