Britaniyanın Substantial Films studiyası bitkoinin yaradıcısı kimi tanınan Satoşi Nakamotoya həsr edilmiş “Decrypted” adlı film çəkməyi planlaşdırır. Film online kinoteatr tvzavr-ın bir bölməsi olan MoviesChain blockchain platformasında nümayiş olunacaq. Filmdə çəkilən aktyorlar arasında John Malkovich, Matthew Lewis və Ed Skrain adları qeyd olunub. Süjet haqqında dəqiq məlumat yoxdur lakin güman olunur ki, film Satoşi Nakamutonun sirli şəxsiyyəti və ilk kriptovalyutanın necə yaradılması barəsində olacaq.
Filmin budcəsi 1.3 milyon dollardır və bu vəsaitin 65%-ni studiya öz tokenlərini buraxmaqla cəlb etmək niyyətindədir. “Decrypted” 1-1.5 il ərzində çəkiləcək və ilk premyerasının MoviesChain platformasında olacaq. Film həmçinin Cinezen, Live Tree Blossoms, TV-Two, Cinema Well və Singular DTV platformalarında nümayiş ediləcək. Cinezen platformasının təsisçisi prodüser Sem Klebanov qeyd edib ki, bitkoinin yaradıcısı haqqında filmin məhz blokçeyn platformada nümayiş olunması olduqca məntiqlidi və istisna deyil ki, bu film ənənəvi kinozallara da çıxarılacaq.
Elnur Quliyev
