Seed phrase kripto-cüzdana giriş və həmin cüzdandakı aktivlərə nəzarəti bərpa etməyə imkan verən adətən 12 və ya 24 sözdən ibarət məxfi ifadədir.

Seed phrase-in əsas təhlükəsizlik qaydaları:

• Heç kimlə paylaşılmamalıdır. Seed phrase-i bilən şəxs cüzdandakı vəsaitə tam nəzarət edə bilər.
• Screenshot və foto çəkmək olmaz. Telefonda, Google Drive, iCloud və s. bulud yaddaşında saxlamaq risklidir.
• Telegram, WhatsApp, e-mail və digər mesajlaşma vasitələri ilə göndərmək olmaz.
• Kağız üzərində yazıb təhlükəsiz yerdə saxlamaq mümkündür. Daha yüksək məbləğlər üçün metal backup daha dayanıqlı variantdır.
• Seed phrase heç vaxt “aktivləşdirmək”, “sinxronlaşdırmaq” və ya “unlock etmək” üçün sayta daxil edilməməlidir. Saxta saytlar ən çox bu üsulla seed phrase oğurlayır.
• Hardware wallet istifadə edərkən seed phrase-i yalnız cihazın özündə göstərilən zaman qeyd etmək lazımdır.
• Seed phrase itirilərsə və başqa backup yoxdursa, cüzdanı bərpa etmək mümkün olmaya bilər.

Vacib fərq: PIN və ya password cihazı/cüzdan tətbiqini qoruyur. Seed phrase isə cüzdanın əsas bərpa açarıdır.

Məsələn, telefonunuz itərsə, yeni cihazda eyni seed phrase-i daxil etməklə cüzdanınızı bərpa edə bilərsiniz. Buna görə seed phrase-in təhlükəsizliyi kriptoaktivlərin təhlükəsizliyinin ən kritik hissələrindən biridir.

Müəllif:  Elnur Quliyev