Kriptovalyutalarla maraqlanan Amerika vətəndaşlarının artıq supermarketlərdə də bitcoin almaq imkanları olacaq. Bitcoin bankomatlar istehsalçısı olan Coinme şirkəti birja servisi olan Coinstar ilə “müştərilərə marketlərdə gündəlik alış-verişdə bitkoindən rahat və asan istifadə etmələrini təmin edilməsi üçün” əməkdaşlıq müqaviləsi bağlayıb.
Bu xidmət əvvəlcə ABŞ-ın Kaliforniya, Texas və Vaşinqton ştatlarında yerləşən Safeway və Albertsons supermarketlərində istifadəyə veriləcək. Müştərilər bitcoin almaq üçün supermarketin daxilində yerləşən Coinstar terminalına nəğd ödəniş (limit 2500 dollar) edərək əvəzində kod əldə edəcək. Sonra həmin kodla Coinme saytında online-hesaba daxil olaraq aldıqları bitcoinləri istifadə edə biləcəklər.
Coinme CEO-su Neil Bergquist və Coinstar CEO-su Jim Gaherity qeyd ediblər ki, iki şirkətin innovativ yanaşması istehlakçilara nəgd pulla bitcoin alışını daha asan və rahat edəcək.
