ABŞ-ın maliyyə tənzimləyicisi olan Maliyyə Nazirliyinin Valyuta Nəzarəti İdarəsi (OCC) Anchorage kriptovalyuta şirkətinə rəqəmsal aktivlərin saxlanması xidməti üçün lisenziya verdi. Bununla da, ABŞ-da ilk dəfə olaraq federal səviyyədə kripto bank yaradıldı. OCC (The Office of the Comptroller of the Currency) lisenziyası sayəsində Anchorage müxtəlif ştatların ayrı-ayrı tənzimləmə qaydalarına riayət etmək məcburiyyətində olmayacaq. Anchorage şirkəti müştərilərinə kriptovalyutaların saxlanması üçün xidmətlər təqdim edən Anchorage Digital Bank yaradacaq.
Anchorage şirkətinin prezidenti Dioga Monica: “Biz milli bankıq. Bizi adi bankdan fərqləndirən tək şey fəaliyyət istiqamətimizdir – biz kriptovalyuta ilə işləyirik.”
Məlumat üçün qeyd edək ki, OCC hazırda 2 kriptovalyuta şirkətinin (Bitpay və Paxos) federal bank lisenziyası üçün müraciətinə baxır.
Müəllif: Elnur Quliyev