Bakıda ictimai nəqliyyatda vahid ödəniş kartı olan “BakıKART”-ın balansını onlayn ödəniş etmək mümkündür. Bunun üçün online.bakikart.az portalına daxil olub e-mail və yaxud telefon nömrəsi ilə qeydiyyatdan keçib şəxsi kabinet yaratmaq lazımdır. Şəxsi kabinet yaratdıqdan sonra BakıKart nömrəsini və bank kartınızın məlumatlarını əlavə edirsiz. BakıKART (metro kartı) balansını 1-3-5-10 AZN məbləğində artırmaq mümkündür. Ödənilən məbləğ kartın balansına bir saat ərzində oturacaq. Metroda və avtobus dayanacaqlarında kart balansınızı doldurmaq üçün vaxt itirmək istəmirsinizsə mütləq şəkildə online balans artırmaq xidmətindən istifadə edin.
BakıKART-ın satış qiyməti 2 AZN-dir. Gediş haqqı tarifi qanunvericiliyə əsasən marşrutdan asılı olaraq 0.40 manatdan 1.30 manat aralığında müəyyən edilmişdir. Gediş haqqı “BakıKART” vasitəsilə ödənilən marşrut xətləri və qüvvədə olan qanunvericiliyə əsasən tariflər aşağıdakı kimidir:
| Tarif | Marşrut xətti |
| 0.40 | Bakı Metropoliteninin bütün stansiyaları Şəhərdaxili: 1, 2, 3, 4, 5, 6, 7A, 7B, 9, 10, 11, 13, 14, 15, 17, 18, 21, 24, 26, 29, 30, 31, 32, 35, 37, 38, 39, 40, 44, 46, 49, 51, 52, 53, 61, 62, 64, 65, 66, 67, 71, 76, 78, 79, 81, 83, 85, 88, 88A, 92, 96 Qəsəbədaxili: 190 Şəhərətrafı və qəsəbələrarası: 113, 119, 133, 135, 144, 165, 184, 202, 204, 205, 208, 209, 216, 108B, M3 |
| 0.45 | Şəhərətrafı və qəsəbələrarası: 130, 131, 132, 161, 163, 179, 189, 194, 199, 211, 217, M8 |
| 0.50 | Şəhərətrafı və qəsəbələrarası: 125, 127, 160, 175, 206, 114A, 114B, Q1 |
| 0.60 | Şəhərətrafı və qəsəbələrarası: E1 |
| 1.30 | Şəhərətrafı və qəsəbələrarası: H-1 |
BakıKART – metro və “BakuBus” avtobuslarında tətbiq olunan ödəniş kartı ilk dəfə 8 avqust 2015-ci ildə tətbiq olunmağa başlayıb.
Salam men necə qeydiyyatdan keçe bilərəm bakı kartı balansını yükləmək üçün zəhmət olmasa köməklik edərdizde.
aleykum salam, telefon nömrəsi ilə qeydiyyatdan keçib şəxsi kabinet yaradırsız, bakikart nömrəsini əlavə edirsiz və bank kartı ilə balansı artırırsız.