Braziliyanın məşhur bankı Itaú Unibanco investisiya platformasının müştəriləri üçün bitcoin və ethereum ticarəti xidmətini istifadəyə verib. Bununla da, bank Braziliyada böyüyən kriptovalyuta bazarının tam hüquqlu iştirakçısı olmağa hazır olduğunu təsdiqləyib.

Itaú Unibanco-nun rəqəmsal aktivlər departamentinin rəhbəri Quto Antunes bildirib ki, ilkin olaraq yeni xidmət iki ən populyar kriptovalyutanın (BTC və ETH) ticarətinə imkan verəcək. Gələcəkdə bank digər rəqəmsal aktivləri də əlavə etməyi planlaşdırır. Bu, ölkədə kripto sənayesinin tənzimlənməsinin necə inkişaf etməsindən asılı olacaq.