Rusiyalı supermodel, aktrisa və xeyriyyəçi Natalya Vodyanova Rusiya, Kanada və Hindistan ərazisində yüklənə biləcək Elbi mobil proqramını yaratdığını elan etdi. Elbi istifadəçilər üçün mobil tətbiqinin daxili kriptovalyutası olan LoveCoins vasitəsilə xeyriyyə fonduna vəsait ödəməyə imkanı verir və bu zaman məşhur brendlərin əşyalarını almaq mümkündür. Bu brendlər arasında artıq Givenchy, Dior, Fendi və Christian Louboutin kimi məşhur şirkətlər var. Elbidə hesab edirlər ki, mobil tətbiqi  xeyriyyəçilik üçün vəsaitlərin artırılmasına kömək edəcək, çünki istifadəçilərin əlavə stimulları olacaqdır.

      Mobil tətbiqin ElbiDrop funksiyası xeyriyyəçilərə Louis Vuitton və Messika kimi xüsusi markalar üçün öz aralarında rəqabət etməyə imkan verir. 24 saat davam edən müsabiqədə ən çox LoveCoins yığan qalib olur.

Xatırladaq ki, maliyyə korporasiyası olan Fidelity İnvestments tərəfindən idarə olunan “Fidelity Charitable” xeyriyyə fondu 2017-ci ildə 22 milyon dollar dəyərində bitkoin cəlb etmişdir.