Kanadanın ən böyük zərgərlik məmulatları və saatlar istehsalçısı olan Birks artıq bitkoini ödəniş vasitəsi kimi qəbul edəcəyini elan etdi. Bunun üçün Birks BitPay ödəniş servisi ilə partnyorluq müqaviləsi imzalayıb. 1879-cu ildə Monreal şəhərində əsası qoyulmuş Birks Group Kanadada zərgərlik məmulatları istehsalçıları arasında ödəniş vasitəsi kimi kriptovalyuta qəbul edən ilk şirkət oldu. Kanadanın zərgərlik evi ölkə üzrə 8 mağazasında quraşdırılan BitPay terminalları vasitəsi ilə ödənişləri qəbul edəcək.

    Birks-in icraçı direktoru Jean-Christophe Bedo: “BitPay Birks üçün çox önəmlidir. Biz qlobal markayıq və inanırıq ki, BitPay müştərilərimiz üçün faydalı olacaq”.

    BitPay-in biznez üzrə meneceri Sonny Singh: “Birks zərgərlik evinin dünya miqyasında çox böyük müştəri bazasına malikdir və yeni bir ödəniş metodunun tətbiqi şirkətə beynəlxalq müştərilərin ehtiyaclarını ödəməyə, həmçinin innovativ və etibarlı ödəniş növü təklif edərək yeni müştərilər cəlb etməyə imkan verəcəkdir.

Elnur Quliyev