İtaliyanın məşhur “Yuventus” klubunun futbolçusu Kriştiano Ronaldo karyera uğurlarına görə dünyada kriptovalyuta ilə mükafat alan ilk futbolçu oldu. Klub Ronaldoya karyerası dövründə vurulan 770 qola görə 770 JUV Fan Token mükafat verdi. JUV FAN TOKEN “Yuventus” klubu tərəfindən 2019-cu ilin dekabr ayında buraxılmışdı və hazırda Binance birjasında 14 dollara ticarət olunur.
JUV tokenlərinə sahib olan “Yuventus” klubunun azarkeşləri gələcəkdə mükafat almaq və klubun fəaliyyəti ilə bağlı “kosmetik qərarlar” (məs: forma rəngi, stadionun musiqisi, günün oyunçusu, klubun yay turları, xüsusi klub hədiyyələri) verilərkən səsvermədə iştirak hüququ qazanır.
Müəllif: Elnur Quliyev