El Salvador hakimiyyəti ABŞ-ın Texas ştatında öz bitcoin səfirliyini açmağa hazırlaşır. Bu barədə Salvadorun ABŞ-dakı səfiri Milena Mayorgi öz tviter hesabında yazıb. Milena Mayorgi Texas hakimiyyətinin nümayəndələri ilə görüşüb və onlar bu ştatda öz bitcoin səfirliklərini açmağı, həmçinin maliyyə və biznes layihələrini genişləndirməyi planlaşdırırlar. Bu, El Salvadorun ikinci bitcoin səfirliyi olacaq. İlk bitcoin səfirlik İsveçrənin Luqano şəhərində 2022-ci ilin oktyabr ayında açılıb. Adi virtual BTC icmalarından fərqli olaraq, “Bitcoin səfirliyi” kriptovalyuta icmasının iştirakçılarının bir-biri ilə qarşılıqlı əlaqədə olması üçün fiziki yerdir. Orada hər bir bitcoin həvəskarının həmkarları ilə mərkəzləşdirilməmiş rəqəmsal valyutaları müzakirə edə biləcəyi tədbirlər təşkil edilir. Səfirlik kommersiya təşkilatı deyil, müxtəlif tədbirlərdə vasitəçi kimi çıxış edir.