İndoneziya rəqəmsal aktivlər üzrə əməliyyatlarının təhlükəsizliyini və şəffaflığını təmin etmək üçün milli kriptovalyuta birjasını təsis edən dünyada ilk ölkə oldu. Dövlət nəzarəti altında olan birja tənzimləyicilərə ölkədə kriptovalyuta sektorunun inkişafına daha yaxşı nəzarət etməyə imkan verəcək. Yeni birja kriptovalyuta treyderləri və investorlar üçün qayda və standartların müəyyən edilməsinə cavabdeh olacaq Əmtəə Fyuçers Ticarətini Tənzimləmə Agentliyinin (Bappebti) himayəsi altında fəaliyyət göstərəcək.

İndoneziya kriptovalyutaların ödəniş vasitəsi kimi istifadəsini qadağan etməsinə baxmayaraq, kriptovalyutalara investisiyalar üzrə dünyanın ən fəal ölkələrindən biridir. Bappebti-nin məlumatına əsasən, 2021-ci ildə İndoneziyada 17 milyondan çox kriptovalyuta investoru qeydiyyatdan keçib ki, bu da fond bazarındakı investorların sayından dəfələrlə çoxdur.