USDT stabilkoinin emitenti Tether Holdings Limited, 2023-cü ilin son rübündə 8,888 bitcoin (BTC) aldığı məlum olub. Hazırda şirkətin balansında təxminən 2,8 milyard dollar dəyərində 66,465 BTC var. 2023-cü ilin may ayında Tether, əldə etdiyi xalis mənfəətin 15%-ə qədərini mütəmadi olaraq bitcoin-ə yatıracağını açıqlamışdı. Şirkətin baş direktoru Paolo Ardoino, ilk kriptovalyutaya sərmayə qoymaq qərarının onun gücünə və investisiya aktivi kimi potensialına əsaslandığını qeyd etmişdi.