ACCA nədir?

    Dünyanın əksər ölkələrində tanınan, imtahanları işə qəbul zamanı yüksək qiymətləndirilən, sertifikatları və diplomları əksər beynəlxalq şirkətlər tərəfindən tanınan, beynəlxalq təşkilat olan ACCA-in əhəmiyyəti getdikcə artır.

  ACCA ACCA (The Association of Chartered Certified Accountants ) – İmtiyazlı Sertifikatlaşdırılmış Mühasiblər Assosiyasiyası – dünyada ən geniş yayılmış beynəlxalq professional assosiyasiyadır. Bu assosiyasiyada 170 ölkədən 435.000 tələbə və 154.000 üzv qeydiyyatdadır. ACCA maliyyə və audit müəssisələrində, mühasibat sahəsində, banklarda işləmək istəyən professionallar üçün xüsusi diplom verir. Bu diplomlar 14 imtahandan müvəffəqiyyətlə keçən iştirakçılara verilir. İmtahanlar iki hissəyə bölünür:

Fundamentals:

F1 Accountant in Business – Mühasib və biznes

F2 Management Accounting – İdarəetmə uçotu

F3 Financial Accounting – Maliyyə uçotu

Qeyd! Bunlar Knowledge Modulu adlanır və əsas anlayışları əhate edir.

F4 Corporate and Business Law – Korporativ hüquq

F5 Performance Management – Səmərəliliyin idarə edilməsi

F6 Taxation – Vergilər

F7 Financial Reporting – Maliyyə hesabatları

F8 Audit and Assurance – Audit və onu müşahidə edən xidmətlər

F9 Financial Management – Maliyyə menecmenti

Qeyd! Bunlar Skills Modulu adlanır və mənimsənilməsi vacib olan texniki sahələri əhatə edir.

Professional:

P1 Professional Accountant – Professional Mühasib

P2 Corporate Reporting – Korporativ Hesabatlar

P3 Business Analysis – Biznesin Təhlili

Qeyd! Bunlar Essentials Modulu adlanır və əsas fənləri əhatə edir.

P4 Advanced Financial Management – Maliyyə menecmenti

P5 Advanced Performance Management – Səmərəliliyin idarə edilməsi

P6 Advanced Taxation – Vergilər

P7 Advanced Audit and Assurance – Audit və onu müşahidə edən xidmətlər

Bəs ACCA imtahanlarına necə müraciət olunur və imtahana kimlər girə bilər?

ACCA peşəkar kvalifikasiyalarına qeydiyyatdan keçmək və imtahan verə bilmək üçün müəyyən şərtlərə cavab verməklə ACCA-yə tələbə kimi qeydiyyatdan keçməli və konkret əsas imtahana yazılmalısınız. Bu şərtlərə daxildir:

  • Hər hansı ali təhsil müəssisəsinin 1-ci kursunu uğurla bitirmək
  • Ali təhsili olmayan, 21 yaşdan yuxarı şəxslər üçün minimum 3 illik iş təcrübəsi (istənilən sahədə)

     Müraciət formasına gəldikdə isə, www.accaglobal.com ünvanına daxil olaraq orada asanlıqla online şəkildə qeydiyyatdan keçə bilərsiniz. Amma təbii ki, qeydiyyat üçün təqdim edilməli olan bir sıra sənədlər var və onlar aşağıdakılardır:

  • Şəxsiyyətinizi təsdiq edən sənəd (Şəxsiyyət vəsiqəsi və ya Ümumvətəndaş pasportu)
  • Hal-hazırda ali təhsil aldığınız və ya ali təhsilinizi bitirdiyinizi sübut edən arayış və ya diplom (ali təhsil alırsınızsa və ya artıq bitirmisinizsə)
  • Ali təhsil zamanı aldığınız qiymətləri əks etdirən sənəd (arayış və ya diplom əlavəsi)
  • Təcrübənizi təsdiq edən sənəd (ali təhsil olmadan 21 yaşdan yuxarı olan şəxslər üçün tələb olunur, ali təhsil almış və ya təhsilini davam etdirən şəxslər üçün ehtiyac yoxdur)
  • Foto şəkil

Qeyd: Sənədlər ingilis dilində deyilsə, onlar tərcümə edilib notarial qaydada təsdiq edilməlidir.

     ACCA imtahanlarına hazırlaşmaq üçün siz ya ACCA tərəfindən rəsmi akkreditasiya olunmuş təlim mərkəzlərində təhsil ala, ya self-study adlandırdığımız metoddan istifadə edərək özünüz hazırlaşa, ya da distance-learning deyilən online təlim proqramlarına qeydiyyatdan keçməklə hazırlaşa bilərsiniz.

ACCA imtahanlarının formatı test (F1-F4) və yazılı (F5-F9) formada olur. Bütün fənlərin keçid balı (100%-dən) minimum 50%-dir. ACCA peşəkar kvalifikasiyası bütün dünyada yalnız ingilis dilində tərtib olunur. Azərbaycanda bəzi tədris mərkəzləri ACCA proqramından və tədris materiallarından istifadə edərək azərbaycan dillində bu təhsili verir. Amma qeyd edək ki, nəticədə əldə olunan sertifikatlar ACCA və eləcə də demək olar ki heç bir xarici şirkət tərəfindən tanınmır.

Qeyd edək ki, müəyyən şərtlər daxilində ACCA –nın yuxarıda adı çəkilən 14 imtahanından azad olma imkanı da var. Yəni hazırlaşmadan və imtahana girmədən ACCA rəsmi sertfikatını əldə etmək imkanı var. Siz ilk səviyyə üzrə imtahan verdikdən sonra təqdim etdiyiniz sənədlərə əsasən ACCA tərəfindən sizə azad olunma təklifləri gələ bilər. Siz ya qəbul edib, qeydiyyat haqqını ödəməklə sertfikatı əldə edə, ya da imtina edib hazırlaşmaqla imtahana girib sertifikat əldə edə bilərsiniz. Qeyd edək ki, imtahanda iştirak edib sertfikat almaqdan fərqli olaraq, azad olunmadan əldə etdiyiniz sertifikatda sadəcə bu səviyyəni rəsmi şəkildə keçdiyiniz qeyd olunacaq və heç bir keçid balı qeyd olunmayacaq.

 

Mənbə

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış /  Dəyişdir )

Google+ foto

Google+ hesabınızdan istifadə edərək şərh edirsinz. Çıxış /  Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış /  Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış /  Dəyişdir )

%s qoşulma