Çirkli pulların yuyulması ilə mübarizənin təkminləşdirilməsi məqsədi ilə London polislərinə kriptovalyuta təlimləri keçirilməsi nəzərədə tutulub. İlk dəfə olaraq kriptovalyutalara həsr olunmuş hüquq-mühafizə orqanları üçün təşkil olunacaq təlim London İqtisadi Təhlükəsizlik Akademiyası tərəfindən hazırlanıb. Polislərə bu tip təlimlərin keçirilməsi onunla əsaslandırılıb ki, rəqəmsal pullar kibercinayətkarlara çirkli pulları cəzasiz yumağa imkan yaradır. Eyni zamanda rəqəmsal aktivlərlərlə bağlı cinayətlərin araşdırılması üçün polislərin təlim səviyyəsinin kifayət qədər olmaması barədə cəmiyyətdə artan narahatlıq var.
London polisinin mətbuat katibinin sözlərinə görə belə təlimlər polis zabitləri üçün çox vacibdir və təlimlər tədqiqat aparmaq üçün lazımi bacarıq və biliklərə sahib olmağa imkan verəcəklər. Təlimi müvəffəqiyyətlə bitirən iştirakçılar tədqiqat zamanı kriptovalyuta aktivlərinin aşkarlanması və müsadirə edilməsinə dair biliklər əldə edəcəklər.
London İqtisadiyyat Məktəbində kriptovalyuta kursları
Elnur Quliyev / Crypto Consulting MMC