Bosch və İOTA yeni kiçik yerli elektrobus buraxmağı planlaşdırır. Hər bir elektrobus IoT (Internet of Things) şəbəkəsinə və internetə qoşulacaq, müxtəlif xidmət və əyləncə sistemləri ilə də təchiz olunub. Bosch yeni məhsulunu 2019-cu ilin yanvar ayında Las-Veqasda keçiriləcək Consumer Electronics Show sərgisində təqdim edəcək.

Ümimi xarakteristika: Elektrobusun çağrılması xüsusi mobil tətbiq vasitəsilə həyata keçiriləcək və bundan sonra sistem ən yaxında olan elektrobusu və eyni zamanda oxşar marşrutları olan digər sərnişinləri tapır. Gəzinti zamanı sərnişinlər WiFi, sifariş xidmətləri, hava proqnozu və digər məlumat-əyləncə sistemlərindən istifadə edə biləcəklər. Ödəniş təyinat məntəqəsinə çatan zaman onlayn hesabdan silinəcək. Elektrobusun naviqasiya sistemi radar, video kameralar, hava və ultrasəs sensorlarından ibarətdir. Əsas alt-sistemlərdən biri olan “Bosch Road Signature” nəqliyyat vasitəsinin yerini hətta bir santimetr dəqiqliklə təyin etməyə imkan verir.

     Robert Bosch GmbH-in idarə heyətinin üzvü Markus Heyn qeyd edib ki, 2025-ci ilə elektrobusların sayı 2.5 milyon olacaq və gələcəkdə yolda olan hər bir vasitə Bosch-un rəqəmsal xidmətlərindən istifadə edəcək.

Elnur Quliyev