Finlandiyanın prezidenti Sauli Niinistö aprelin 26-sı kriptovalyuta sənayesinin tənzimlənməsi haqqında qanunu təsdiq etdi. Bu məlumatı ölkənin maliyyə tənzimləyicisi orqanı (FİN-FSA) öz twitter hesabında açıqlayıb. Qanun artıq mayın 1-dən qüvvəyə minib. Qanuna əsasən kriptovalyuta birjaları, kripto-cüzdanlar, provayderlər və rəqəmsal valyutalarla xidmət aparan şirkətlər mütləq şəkildə maliyyə nəzarəti orqanında qeydiyyatdan keçməlidirlər. FİN-FSA kriptovalyuta xidmətləri həyata keçirən şirkətlərin qeydiyyatı və onların fəaliyyətlərinə nəzarəti həyata keçirəcək. Kriptovalyutaların tənzimlənməsi üzrə qanunun bütün tələblərinə (KYC, AML) cavab verən kriptovalyuta şirkətləri Finladiya ərazisində fəaliyyət göstərə biləcək.