USDT stabilkoinin emitenti olan Tether Holdings Limited İtaliyanın “Yuventus” futbol klubuna investisiya edib. Şirkətin press-relizində deyilir ki, bu addım Tether-in rəqəmsal aktivləri “gündəlik həyatda” dəstəkləmək üçün daha böyük strategiyasının bir hissəsidir.

Tether Holdings Limited-in rəhbəri Paolo Ardoino: “Biz strateji sərmayələrimizi davam etdiririk. Juventus-a investisiya Tether-ə rəqəmsal aktivlər, süni intellekt və biotexnologiya kimi yeni texnologiyaların qurulmuş idman sənayesi ilə yaxınlaşmasında iştirak etməyə imkan verəcək. Bu, qlobal miqyasda dəyişikliklərə səbəb olacaq. Biz inqilabi dəyişiklik yaratmaq üçün qlobal idman mənzərəsində innovasiya və əməkdaşlıq imkanlarını araşdırırıq. Gəlin “Yuventus”u yenidən möhtəşəm edək”.