Vyetnamda bitkoin qadağasına baxmayaraq mayninq avadanlıqlarının idxalı artıb. Gömrük departamentinin açıqlamasına əsasən yanvar ayının ilk üç həftəsində ölkə ərazisinə 7932 ədəd mayninq avadanlığı idxal olunub. Bu bütün 2017-ci ildə idxal olunan mayninq avadanlığının ümumi sayından çoxdu.
2018-ci ildə idxal olunan mayninq avadanlığının ümumi dəyəri 12.3 mln dollar təşkil edir ki, bunun da 1.23 mln dolları büdcəyə vergi kimi ödənilib. Gömrük departamentinin məlumatına əsasən 2017-ci ildə ümumilikdə 7005 ədəd mayninq avadanlığı idxal olunmuşdu və bunun da 5527 ədədi noyabr-dekabr aylarında idxal olunub. Yerdə qalan 1478 ədəd isə yanvarın 1-dən oktyabrın 31-nə qədər olan müddətdə idxal edilib.
Buna baxmayaraq kriptovalyutalar Vyetnamda qanuni ödəniş vasitəsi deyil və ticarət əməliyyatlarında rəqəmsal valyutalardan istifadəyə görə cərimə 8.900 dollar təşkil edir.
Xatırladaq ki, 2018-ci ilin yanvarın 1-dən Vyetnam Dövlət Bankının qərarı ilə ölkə ərazisində kriptovalyutaların ödəniş vasitəsi kimi istifadəsi qadaöan edilib.
